Alumnos de centros educativos asisten ao ensaio aberto de “Boa sorte, mala fama” de Tarabela Creativa

A Concelleira de Educación, Geni Valcárcel, e o Concelleiro de Acción Cultural, César No, acolleron con entusiasmo o alumnado dos centros educativos no ensaio aberto da peza “Boa sorte, mala fama” de Tarabela Creativa. Na residencia artística que a compañía de teatro realiza na Casa da Cultura dende decembro, actrices e equipo compartiron o proceso creativo, resolvendo as dúbidas dos rapaces e rapazas. Tamén ofreceron un ensaio aberto para asociacións culturais pola noite. O domingo 25 de febreiro, ás 20:00, actuarán na Casa da Cultura. Dende Tarabela Creativa quixeron agradecer profundamente á comunidade de Sarria “por abrirnos as súas portas durante a residencia artística”.•