Foto GPPP.
Raquel Arias, integrante da candidatura popular ao Parlamento galego, destacou a importancia da remuda xeracional para garantir a forza e a vitalidade do sector agrogandeiro en Galicia. Xunto co deputado nacional Francisco Conde, visitou unha SAT en Monforte con máis de 300 vacas de muxido e unha explotación láctea familiar en Bóveda, na que recentemente se incorporou un mozo.
Arias explicou algunhas das propostas do programa electoral do PP galego, como un servizo de titorización e axudas para impulsar a incorporación de mozos ás gandarías. Destacou que o Goberno galego xa incorporou 4.700 mozos e mozas no período 2009-2023, e que planean impulsar un bono mozo dotado con 15.000 euros para os que se incorporen á actividade agrogandeira.
Ademais, comprometeuse a simplificar os procedementos administrativos relacionados coas explotacións agrogandeiras, como os plans de mellora e as axudas de incorporación de mozos. Arias subliñou a importancia do sector primario para Galicia e a provincia.•
