O Xeoparque Montañas do Courel foi o escenario elixido para acoller a fase galega da XV Olimpiada de Xeoloxía, organizada pola Asociación Española de Ensinanzas de Ciencias de la Tierra. Esta é a segunda vez que o xeoparque, xunto con outras localizacións galegas como Santiago, Vigo e Cabo Ortegal, forma parte das sedes nas que se desenvolven estas importantes olimpíadas. Un total de 55 alumnos e profesores procedentes de 7 centros educativos, entre eles A Fonsagrada, Lugo, Monforte, Trives, Verín, Xinzo e Ourense, participaron esta mañá nas probas realizadas nas impresionantes paisaxes das Montañas do Courel. O punto de partida foi nas inmediacións do Auditorio Municipal, onde foron recibidos polo Alcalde de Quiroga, José Luis Rivera.
As probas consistiron en dúas partes. Primeiro, unha proba teórica tipo test con 40 preguntas, e despois, unha proba práctica por equipos que se desenvolveu nunha emocionante xincana polas rúas de Quiroga. Os equipos tiveron unha hora e media para resolver un total de 12 probas. Os dous mellores clasificados terán a oportunidade de representar a Galicia na fase final nacional da Olimpiada de Xeoloxía, que terá lugar o 13 de abril en Zamora.
De superar esta fase, os gañadores poderían participar na fase internacional en Pekin.•
