A celebración de San Blas en Monforte, é toda unha tradición, e son moitos os que se achegan coas súas roscas e cintas, para que sexan bendicidas, e contribúan a afastar as enfermidades da garganta. Pero este ano, xa sexa porque a misa tivo lugar, cinco anos despois, na Igrexa de San Vicente, unha vez finalizados os traballos de restauración, ou ben pola praga de gripe, covid e todo tipo de afeccións respiratorias que nos axexan este inverno, o certo é que o número de devotos de San Blas que se achegou foi moito máis numeroso que en edicións anteriores. Ata os sete sacerdotes que oficiaban a misa tiveron que chamar á orde aos fieis que se abalanzaban sobre o santo para conseguir pousar as súas cintas sobre o seu pescozo.
Cargando ...
