Dende a pasada semana, os autónomos, mutualistas, pemes e entidades de economía social teñen a oportunidade de optar ás axudas ao emprendemento publicadas no Diario Oficial de Galicia (DOG) o pasado 5 de febreiro. Estas axudas, dotadas cun orzamento de 6,5 millóns de euros, están deseñadas para impulsar as iniciativas de emprendemento na comunidad.
A Administración autonómica busca fomentar e fortalecer as actividades emprendedoras, co obxectivo de incrementar a actividade económica e mellorar a competitividade das empresas galegas.
ENTIDADES DE ALTA NA SÚA ACTIVIDADE ECONÓMICA DESDE O 1 DE XANEIRO DE 2022
Os colectivos que poden optar a estas axudas son os seguintes: persoas traballadoras autónomas, mutualistas, pequenas e medianas empresas, sociedades cooperativas e laborais, así como as empresas de inserción e os centros especiais de emprego. Estes apoios están dispoñibles para aquelas entidades que se constitúan ou estean dadas de alta e inicien a súa actividade económica desde o 1 de xaneiro de 2022.
AXUDAS ENTRE 3.000 € E 30.900 €
As achegas económicas variarán en función do investimento realizado, oscilando entre os 3.000€ e os 30.900€. Estas axudas cubrirán gastos relacionados co proxecto empresarial, como equipamento informático, eficiencia enerxética, mobiliario e reforma de instalacións, entre outros.
Unha das novidades desta convocatoria é a inclusión dos gastos notariais e/ou rexistrais directamente relacionados coa actividade subvencionada, así como os gastos de aluguer do local ou centro de traballo onde se desenvolva a actividade subvencionada. Estes gastos contarán cun máximo de 300€ e 600€ por persoa beneficiaria, respectivamente.
A través desta iniciativa, búscase apoiar as iniciativas de emprendemento dos autónomos e pemes, co fin de fortalecer a súa actividade ante os desafíos derivados do contexto económico actual e avanzar no desenvolvemento sustentable da comunidade galega, así como no mantemento dun emprego de calidade.
PRAZO DE SOLICITUDES
O prazo para solicitar estas axudas permanecerá aberto ata o 28 de xuño de 2024.
Os interesados poderán atopar máis información sobre os requisitos e procedementos de solicitude no Diario Oficial de Galicia.•
Cargando ...
