Ata o 28 de febreiro poderá verse na Casa de Cultura de Chantada a pintura de Jorge Andrés Serrano

Imaxe: Jorge Andrés Serrano

A Casa da Cultura de Chantada acolle ata o próximo 28 de febreiro, unha exposición da obra pictórica de Jorge Andrés Serrano Mato. O pintor coruñés, fincado en Pontevedra, cidade na que realizou estudos de Belas Artes, ademais da pintura, tamén traballa a fotografía, aínda que a exposición de Chantada vira ao redor dos seus traballos pictóricos. É compoñente do colectivo artístico A Corda (Galicia-Madrid) e actualmente, compaxina o seu traballo creativo co exercicio da docencia como profesor de pintura na Escola de Artes e Oficios (EMAO), Vigo. Participou con notable éxito en numerosas exposicións durante os últimos anos: foi Finalista da XI Bienal Internacional de Arte Jovem de Vila Verde, Portugal, seleccionado para exposición e publicación en catálogo, 2020. Finalista certame pintura Casimiro Sainz, Reinosa, Cantabria, seleccionado para exposición en 2018. Finalista no XXIII premio de pintura Concello de Algemesí, Valencia, seleccionado para exposición e publicación en 2018. Exposición colectiva ArtSorey, Cambados, Pontevedra. Esta é unha pequena mostra do seu traballo expositivo, desde o afastado 2003 no que se alzou co primeiro premio III concurso de pintura «Postais Coruñesas».
Unha oportunidade única para coñecer de preto o traballo dun dos grandes talentos artísticos galegos contemporáneos.

Deixa unha resposta

Your email address will not be published.

Nova Anterior

Avais públicos para facilitar o acceso dos mozos á súa primeira vivenda

Seguinte Nova

O Encontro Palilleiro de Sarria regresa con forza tras catro anos de parón

Últimas noticias sobre CULTURA

Concerto de vilonchelo

O violoncelista Carlos Vidal, galardoado en varios concursos internacionais, ofrecerá un concerto de violonchelo en Sober

A %d blogueros les gusta esto: