A empresa chantadina A Túa Xanela celebra o seu terceiro aniversario

O popular presentador da TVG, Roberto Vilar, foi a estrela do evento organizado pola empresa A Túa Xanela. Na foto, xunto ao fundador da empresa Iñaki Castiñeira. Foto EnComún.

O pasado 8 de marzo tivo lugar no Polígono dos Acivros a celebración do 3ª aniversario da empresa chantadina “A túa Xanela”, referente en Galicia no sector da fibra óptica. O evento estivo cargado de orgullo e moitas risas, grazas á participación do humorista Roberto Vilar como condutor da velada, que tamén expresou o seu agradecemento a Iñaki Castiñeira, fundador e máximo responsable da empresa, por facer realidade unha iniciativa que procurase o progreso do rural, baixo a atenta mirada dos traballadores e alcaldes que acudiron. Cabe resaltar, ademais, as palabras do alcalde de Chantada, Manuel Lorenzo Varela, cara a Iñaki, pola súa contribución na mellora da vida e a economía rural, nun emotivo discurso onde ratificou o compromiso de todas as institucións públicas para apoiar a expansión do proxecto. Como conclusión da cita, proxectouse un vídeo recompilatorio da traxectoria da empresa, desde os seus inicios en 2021, ata a continuación do seu plan de crecemento, desde as 46 tendas coas que conta actualmente, co obxectivo de facer crecer a súa área de actividade para achegar e garantir a provisión de fibra óptica a todo o rural galego.•

Deixa unha resposta

Your email address will not be published.

Nova Anterior

Nace a Asociación Cosmética Galega, na que participa Chorima, última gañadora do Premio Semente Ribeira Sacra

Seguinte Nova

O concurso de proxectos empresariais Semente Ribeira Sacra chega á súa décima edición

Últimas noticias sobre ECONOMÍA

A %d blogueros les gusta esto: