Os estudantes do CEIP Rosalía de Castro de Bóveda participaron nun obradoiro de trampas para avespas asiáticas, coñecidas como velutinas. Esta actividade foi posible grazas á colaboración entre o Concello de Bóveda, o CEIP Rosalía de Castro e a ANPA, contando coa dirección de Mieles Anta. Paula, xerente de Mieles Anta, e Mohamed, apicultor experimentado, foron os encargados de guiar aos nenos e nenas nesta experiencia. Comezaron falando das características das abellas e da problemática que representan as velutinas para a natureza.
Un dos momentos máis destacados foi cando os estudantes puideron elaborar as súas propias trampas para velutinas. Cada alumno levou a súa trampa para colocar na súa casa, contribuíndo á loita contra estas avespas invasoras.•
Cargando ...
