A Vicepresidenta Segunda e Conselleira de Medio Ambiente, Territorio e Vivenda en funcións, Ángeles Vázquez, anunciou a concesión de axudas por un importe total de 1 millón de euros a medio cento de concellos galegos. Estas axudas teñen como obxectivo financiar obras e actuacións que melloran a imaxe exterior de edificios públicos e outros elementos de titularidade municipal, contribuíndo así a reducir o impacto paisaxístico nas contornas urbanas.
Durante a súa visita á sede do arquivo municipal de Chantada, Vázquez lembrou que o prazo para solicitar estas axudas pechouse o pasado 29 de febreiro. Aínda que a resolución oficial está pendente, estímase que 50 concellos resultarán beneficiarios. Este programa, convocado polo Instituto de Estudos do Territorio (IET), ven consolidándose ano tras ano como unha ferramenta fundamental para o coidado do entorno urbano galego.
As axudas diríxense a corrixir impactos paisaxísticos en edificios e equipamentos municipais, así como en elementos do patrimonio etnográfico local, como fontes, hórreos ou lavadoiros. Os concellos poderán recibir ata o 70% do custo total estimado das obras, cun límite de 20.000 euros por cada liña subvencionable.
Este ano, o Concello de Chantada ten solicitado axuda para renovar a fachada e mellorar a cuberta da súa sede de arquivo municipal, ademais de pretender recuperar unha fonte no lugar de Caibe.
O Goberno local xa foi beneficiario de subvencións en anos anteriores, permitindo a recuperación de dous lavadoiros municipais grazas a axudas concedidas polo IET en 2021 e 2022, cun total de 19.374,06 euros.
Ángeles Vázquez destacou que, grazas a estas axudas, este ano mobilizaranse preto de 2,9 millóns de euros para a realización de actuacións subvencionadas en todo o territorio galego, sumando esforzos tanto do sector público como do privado para a mellora do noso entorno urbano. Desde 2021, estas axudas beneficiaron xa a preto de 1.800 particulares e 156 entidades locais, financiando intervencións en 270 concellos galegos.
Este compromiso co coidado e a protección do patrimonio e do entorno urbano reafirma o compromiso do municipalismo galego co fermosismo e a súa aposta polo coidado e a protección da paisaxe en todas as súas formas.•
