Convocadas as axudas da PAC 2024 para agricultores e gandeiros galegos

Estímase que esta convocatoria manteña no seu conxunto unha dotación similar á de 2023, cun orzamento de 200 millóns de euros. Foto PAC.

O Diario Oficial de Galicia (DOG) vén de publicar a orde que regula as axudas da Política Agraria Común (PAC) para o ano 2024. Estas achegas, cunha dotación prevista de 200 millóns de euros, manterán o seu volume similar ao dos últimos anos, beneficiando en promedio a 25.000 agricultores e gandeiros galegos.
A orde, que establece as bases para a convocatoria das axudas, conta con dúas vías de financiamento. A principal delas son as axudas de xestión extraorzamentaria, financiadas polo Fondo Europeo Agrícola de Garantía Agraria (FEAGA). Porén, debido a cambios na xestión orzamentaria derivados da implementación do Plan Estratéxico da PAC 2023-2027, a cuantía exacta destas axudas aínda non foi determinada. As únicas partidas con orzamentos concretos nesta orde son as vencelladas cos fondos FEADER, que suman un total de 44,17 millóns de euros. Destes, 17,4 millóns están destinados ás liñas de Zonas con Limitacións Naturais e 26,7 millóns para as axudas agroambientais e de produción ecolóxica, mantendo cifras semellantes ás do ano anterior. O orzamento restante para a comunidade galega, aproximadamente 160 millóns de euros, será asignado seguindo unha distribución dos fondos nacionais entre todas as solicitudes que cumpran os requisitos. Este volume de axudas completará unha cifra anual similar ás convocatorias previas.
Este cambio na xestión dos orzamentos está motivado pola entrada en vigor do Plan Estratéxico da PAC 2023-2027, que busca resultados concretos en lugar de simplemente cumprir requisitos. Neste contexto, a convocatoria de 2024 está destinada exclusivamente á presentación de solicitudes de pagamento para as axudas plurianuais de desenvolvemento rural, baseadas nos compromisos adquiridos en 2023.
No período comprendido entre 2015 e 2022, o Goberno autonómico destinou un total de 1.611,3 millóns de euros a estas achegas da PAC, beneficiando anualmente a unhas 25.000 explotacións agrogandeiras galegas, con axudas directas e de desenvolvemento rural.•

Deixa unha resposta

Your email address will not be published.

Nova Anterior

41ª Edición da Feira do Viño de Chantada

Seguinte Nova

Un impulso á competitividade e a promoción no exterior do sector vitivinícola galego

Últimas noticias sobre AXUDAS

A %d blogueros les gusta esto: