A Agrupación Empresarial da Ribeira Sacra organizou unha xornada para presentar propostas para a elaboración do Plan Director da Agrupación de Interese Económico Ribeira Sacra Next.
O encontro, que tivo lugar no Hotel Cardenal de Monforte de Lemos, reuniu a medio cento de persoas, incluíndo representantes empresariais e académicos.
Andrés Mazaira Castro, Profesor do Departamento de Organización de Empresas e Marketing da Universidade de Vigo-Ourense e José Pablo Abeal Vázquez, Profesor do Departamento de Empresa da Universidade da Coruña, expuxeron as súas propostas e metodoloxías para o desenvolvemento do plan. Severino Rodríguez, Secretario da Agrupación Empresarial, subliñou a importancia da participación de todos os sectores empresariais da Ribeira Sacra na definición do plan.
Destacouse a necesidade de pensar na colectividade, non en individualidades, así como a importancia da innovación, sustentabilidade e colaboración. O plan buscará resultados concretos e será desenvolvido con participación comunitaria. Representantes de empresas, entidades colaboradoras e alumnado participaron na xornada. Tras un debate, decidiuse desenvolver o Plan Director coa colaboración da Universidade da Coruña e coa Universidade de Vigo-Ourense tamén implicada. O Presidente da Agrupación, Manuel Dacosta, expresou a súa ilusión, anticipando que o plan estará listo en 16-20 semanas.•
