Galicia impulsa a competitividade empresarial: 3,2 millóns de euros para pemes e 4 millóns en servizos avanzados

Desde o ano 2012, o ReAcciona promoveu o desenvolvemento de máis de 2.700 servizos que permitiron melloraR a competitividade de preto de 2.000 empresas galegas. Foto ARQUIVO.

Este luns, 1 de abril, abre o prazo para presentar solicitudes ao programa ReAcciona da Xunta de Galicia, unha iniciativa que ofrece ás pequenas e medianas empresas galegas unha serie de ferramentas e servizos avanzados para potenciar a súa competitividade. Este programa, que estará dispoñible ata o 15 de novembro, suma un investimento de máis de 3,2 millóns de euros, co obxectivo de mobilizar un total de 4 millóns de euros en recursos, promovendo así o crecemento e desenvolvemento empresarial en Galicia.
A través do ReAcciona, as empresas interesadas, en colaboración con entidades asociadas, poderán solicitar acceso a servizos de alto valor engadido, co apoio de expertos en diferentes áreas.

DESENVOLVEMENTO ESTRATÉXICO
O programa abarca ámbitos como o desenvolvemento estratéxico, a optimización da xestión financeira, a innovación en produtos e servizos, e agora tamén inclúe novas áreas de actuación, como o apoio a empresas emerxentes innovadoras, a análise do cumprimento normativo e os riscos legais, a captación e xestión do talento, así como a promoción de melloras nos ámbitos ambiental, social e de gobernanza.

COMPETITIVIDADE EMPRESARIAL
En total, o ReAcciona ofrece ás pemes galegas ata 13 servizos diferentes para impulsar a súa competitividade, sendo requisito imprescindible que as empresas teñan como mínimo tres traballadores.

AXENTES COLABORADORES
As accións desenvolvidas no marco deste programa son realizadas por axentes colaboradores, que acompañan á empresa durante un período de tres a seis meses. Estes servizos, de carácter práctico, buscan a profesionalización da empresa, ofrecendo acompañamento e formación necesarios para o seu desenvolvemento.

80% DE FINANCIACIÓN
A Consellería de Economía, Industria e Innovación, a través do Igape, financia ata o 80% do custo do servizo para as pemes participantes. O Instituto Galego de Promoción Económica (Igape) e a Axencia Galega de Innovación (Gain) colaboran no desenvolvemento deste programa, que desde a súa creación en 2012, promoveu máis de 2.700 servizos, beneficiando preto de 2.000 empresas galegas e mobilizando un total de 13,7 millóns de euros..•

Deixa unha resposta

Your email address will not be published.

Nova Anterior

Catro millóns de euros en axudas para a reestruturación e reconversión da viña

Seguinte Nova

I Circuito Comarcal de de Cross Escolar

Últimas noticias sobre ECONOMÍA

A %d blogueros les gusta esto: