O IES A Pinguela ofrecerá tres cursos AFD dirixidos a desempregados á volta da Semana Santa. Os cursos, de nivel 1, non requiren estudos previos e son financiados pola Consellería de Promoción do Emprego e Igualdade da Xunta de Galicia. Os cursos ofertados son:
- Arranxos e adaptacións de pezas e artigos en téxtil e pel, 408 horas, cunha financiación de 29.909,70 euros. Comezará o 5 de abril e rematará o 24 de xullo en horario de 9:00 a 14:00 horas.
- Operacións auxiliares de montaxe e mantemento de sistemas microinformáticos, ten unha duración de 388 horas e unha financiación de 29.934,00 euros. Desenvolverase do 5 de abril ó 18 de xullo en horario de 16:00 a 21:00 da tarde.
- Servizos auxiliares de estética, terá unha duración de 378 horas. A súa financiación alcanza os 25.833,60 euros e realizarase do 18 de abril ó 31 de xullo en horario de 16:00 a 21:00 da tarde.
Cada curso terá 15 vacantes e todos os interesados deben estar inscritos na Oficina de Emprego.•
