O Obradoiro Dual de Empleo Serra do Faro VIII está a facer unha importante contribución á mellora dos espazos verdes nos concellos de Chantada, Carballedo e Taboada. Este programa de formación ofrece a vintena de alumnos participantes coñecementos en xardinería, albañilería e atención sanitaria.
No caso concreto de Chantada, o obradoiro está a centrar a súa actividade no Parque Eloísa Rivadulla. Os alumnos de albañilería traballaron na mellora da accesibilidade e acondicionamento do parque, renovando baños públicos e creando novas zonas verdes accesibles.
A pasada semana, comezou a labor do módulo de xardinería, enfocado en obras e mantemento dos xardíns. Ademais, está prevista a eliminación da zona de aparcamento no Parque Eloísa Rivadulla para crear un espazo verde con árbores e bancos.
“Queremos humanizar o Parque Eloísa Rivadulla con estas melloras. É un privilexio ter en Chantada este espazo amplo e tranquilo. Estamos a dotar de máis accesibilidade e comodidade como zona verde para o esparecimiento”, asegura o alcalde de Chantada, Manuel Lorenzo Varela. Coa transformación do aparcamento en zona verde, o concello habilitará un novo espazo para estacionamento nun terreo na rúa Muiñeira, cedido por un particular.•
Cargando ...
