Xestionado por LogiRail, destácase pola calidade do emprego e a formación especializada, xerou 11 postos de traballo directos e 25 indirectos no municipio, e espera ampliar o seu persoal en 2025
O Centro de Competencias Digitais de Monforte, que cumpriu recentemente o seu primeiro ano de funcionamento, emerge como unha peza clave na dinamización económica e formativa da localidade. Este centro especializado en operacións de ciberseguridade ferroviaria, xestionado por LogiRail, filial de Renfe, é xa un referente non só na xeración de emprego xoven, senón tamén na aposta pola formación continua e especializada. A plantilla, composta por 11 persoas, amosa unha forte vinculación coa comunidade monfortina, sendo o 90% dos traballadores locais. Ademais, cómpre sinalar que a apertura do CCD tamén repercutiu positivamente no tecido empresarial da zona, xerando 25 empregos indirectos no municipio. O director do centro, Carlos Anta, destaca a importancia do ambiente laboral e a formación especializada que se imparte no CCD. A curva de aprendizaxe é superior á de outras empresas grazas ás prácticas baseadas en desafíos reais, asegura Anta. A ciberseguridade, un ámbito en crecemento constante, require profesionais cualificados. Anta subliña a importancia de achegar esta disciplina á educación e fomentar a súa participación entre as mulleres. Este ano, está prevista a impartición dun curso específico para elas, co obxectivo de ampliar a diversidade de perfís no sector.
O crecemento e evolución do equipo son palpables. Persoas con perfiles tecnolóxicos cualificados atoparon no CCD un lugar para desenvolver a súa carreira profesional. Experiencias como a de María Lajusticia, natural de Monforte, ou a de Andrés Reinaldo, procedente de Caracas, ilustran o impacto positivo do centro na comunidade e na atracción de talento.
María Lajusticia, de 23 años sinala que “o que máis valoro agora, ademais do ambiente dos compañeiros, é a calidade da formación, que é realmente boa. É especializada, con moitos vídeos, charlas sobre incidencias reais, todo moi documentado”. Andrès Reinaldo pola súa parte, viu no centro unha gran oportunidade laboral e non dubidou en incorporarse o pasado mes de setembro. A pesar do importante cambio que supuxo trasladarse tan lonxe da súa casa e a súa familia, Andrés puido iniciar o seu novo proxecto de vida en Monforte: “en catro meses xa recibín dúas formacións importantes e iso é unha oportunidade que non é habitual. Estamos agradecidos pola oportunidade. Isto é moi tranquilo, todo está preto, con moita natureza, cómese estupendo, a calidade da xente é excepcional. ”
O investimento de case 1 millón de euros por parte de Renfe en este proxecto, que se suma a outros centros similares en diversas localidades, evidencia o compromiso da compañía coa innovación e o desenvolvemento económico das comarcas nas que opera.
O CCD de Monforte aspírase a converterse nun referente no eido da ciberseguridade aplicada ao sector ferroviario.•
Cargando ...
