Obras en estradas provinciais en Paradela, Saviñao e Sarria

A Xunta de Goberno da Deputación de Lugo aprobou un novo investimento que supera os 800.000€ para acometer obras de mellora en cinco estradas provinciais ao seu paso por oito concellos: Guntín, Friol, Palas de Rei, Cospeito, Paradela, O Saviñao, Antas de Ulla e Sarria. A voceira socialista, Pilar García Porto valorou “o gran esforzo investidor para manter e mellorar a rede viaria provincial que, con 4.217 quilómetros, é a máis extensa de todas as Deputacións de España e tres veces maior ca da Xunta”. Dentro destas obras está a da estrada LU-P-4201, que dá servizo aos concellos de Paradela e O Saviñao, no treito que vai do quilómetro 8 ao 11,850 cun orzamento de 145.000€. Tamén se declararon de emerxencia as obras para arranxar os danos provocados polas choivas d no punto quilométrico 1,6 da estrada LU-P-5702, de Pedrafita a Vilanova de San Vicente por Sabadelle o seu paso polo concello de Sarria.•