A Xunta de Goberno da Deputación de Lugo vén de dar luz verde este venres a dúas importantes actuacións nas estradas provinciais, co obxectivo de mellorar a infraestrutura viaria nos concellos de Sarria e Vilalba. Coa aprobación desta licitación, que supón un investimento conjunto de máis de 200.000€, a institución reafirma o seu compromiso coa mobilidade e o progreso da provincia. Segundo informou a Voceira socialista do Goberno, Pilar García Porto, esta decisión encaixa coa liña de traballo do Executivo provincial, que ten entre os seus obxectivos prioritarios a mellora da mobilidade en toda a provincia. En Sarria, a Deputación acometerá a mellora da estrada LU-P-5713, que conecta Sarria con Piñeira, cun investimento superior a 113.000€. Estas obras centraranse nos primeiros dous quilómetros da vía, cun prazo de execución de 3 meses. Incluiráa a reapertura de cunetas, a limpeza da drenaxe, a pavimentación e a sinalización vertical, co obxectivo de garantir unha circulación segura e fluída para todos os usuarios destas vías provinciais. •
