O Instituto Galego da Vivenda e Solo destinou xa máis de 140 millóns de euros en axudas para mellorar a eficiencia enerxética de máis de 24.000 vivendas no conxunto de Galicia
O goberno galego continúa a súa firme aposta pola rehabilitación de inmobles destinados a usos residenciais, un compromiso que se traduce en actuacións directas e axudas económicas destinadas tanto a particulares como a comunidades veciñais e promotores.
O impulso iniciado coa Lei de Rehabilitación e Rexeneración Urbana de Galicia en 2019 segue a dar froitos positivos. En canto á eficiencia na utilización de fondos europeos, Galicia foi unha das comunidades que máis proveito soubo sacar dos fondos do programa NextGenerationUE. Máis de 140 millóns de euros destinados á mellora da eficiencia enerxética de máis de 24.000 vivendas dan conta do compromiso e da efectividade das medidas implementadas. Ante o éxito das axudas concedidas nos últimos anos, que se resolveron con elevada execución, a Xunta ten previsto publicar en 2024 unha nova convocatoria dos programas para a rehabilitación enerxética, cun orzamento inicial de 37 millóns de euros.
Galicia mantén o seu compromiso coa rehabilitación urbana e continúa avanzando na súa loita contra o abandono e a degradación das áreas urbanas, consolidándose como un referente na materia.
BALANCE DAS ÚLTIMAS CONVOCATORIAS
A convocatoria de 2022 dos programas de rehabilitación urbana mostrou unha alta execución das axudas concedidas. Destacan os programas de axuda a nivel de barrio e a nivel de edificio, que alcanzaron o 100% e o 99,87% de execución respectivamente. Non obstante, o programa de mellora da eficiencia enerxética en vivendas presenta unha execución menor, con tan só un 24,6%.
Na convocatoria de 2023, os programas de axuda a nivel de edificio e de elaboración do libro do edificio e a redacción de proxectos de rehabilitación tamén presentan unha execución alta, con porcentaxes de 99,99% e 92,89% respectivamente. Cabe salientar que, neste ano, non se convocou o programa de axuda a nivel de barrio
PROGRAMA REXURBE
Este programa está destinado á recuperación de inmobles e solares baleiros en centros históricos, converténdoos en vivendas de alugueiro a prezos accesibles.
A declaración de sete Áreas Rexurbe por parte da Xunta facilita a recuperación de conxuntos históricos, cunha clara aposta pola combinación de recursos para atender as necesidades prioritarias e a combinación de instrumentos de financiamento público-privado.•
Cargando ...
