O recinto acolleu unha variada mostra de produtos agroalimentarios e artesanais
Sarria desbordou enerxía e entusiasmo durante os pasados 11 e 12 de maio coa celebración da XXXIV edición da «Mostra Agrogandeira San Isidro«. O campo da feira converteuse nun escenario vibrante onde a comunidade agrícola e gandeira se deu cita para mostrar o mellor da súa labor e produtos.
Dende primeira hora do día 11, o recinto feiral abriu as súas portas para recibir aos visitantes cunha exposición de maquinaria agrícola e gandeira. O recinto acolleu unha variada mostra de produtos agroalimentarios e artesanais. A Asociación El Serbal presentou unha fermosa exhibición de bonsáis, mentres que a cerámica de Lolo atraiu miradas admirativas. A xornada continuou cunha emocionante subasta de gando frisón e unha fascinante exhibición de cetraría de voo de aves rapaces a cargo de Falcóns Galicia. Os máis pequenos disfrutaron de xogos infantís e da tradicional tirada da corda, mentres que todos compartiron unha deliciosa comida nas pulpeirías da feira. O espectáculo non decaía na tarde, cunha nova exhibición de cetraría que cautivou a grandes e pequenos por igual. A xornada culminou cunha animada pancetada e baile no Campo da Feira, onde a alegría e o compañeirismo foron os protagonistas indiscutibles. A Feira de San Isidro deste ano sorprendeu a todos cunha adición emocionante: as miniolimpiadas. Máis de medio centenar de nenos participaron nesta nova iniciativa, mergullándose nun mundo de diversión e competición saudable. Os xogos tradicionais encheron de risas e entusiasmo o recinto da feira, con carreras de sacos, saltos á corda, tiradas de corda e partidas de bolos.
O día 12, a actividade na mostra continuou coa apertura do recinto feiral e unha nova exposición de maquinaria agrícola e gando. Desde a imponente Rubia Galega ata o exótico wagyu xaponés, pasando por alpacas e equinos, había algo para todos os gustos e preferencias.
A subasta de novillas Rubia Galega atraiu a numerosos compradores interesados en levar a casa o mellor da gandeiría local. Mentres tanto, as pulpeirías da feira ofrecían suculentas comidas para recargar enerxías.
O punto álxido chegou co sorteo dunha novilla Rubia Galega preñada de oito meses, un premio que encheu de emoción aos presentes e que destacou o compromiso da mostra coa promoción e preservación das razas autóctonas. Cun ambiente festivo e unha participación récord, a XXXIV Mostra Agrogandeira San Isidro de Sarria conságrase como un evento ineludible no calendario da comunidade agrícola e gandeira galega.•
