José Tomé considera «que a persecución xudicial contra Besteiro e Orozco estivo impulsada, dirixida e controlada polo Partido Popular”

O Secretario Xeral do PSdeG na provincia, José Tomé Roca xunto co Secretario Xeral do PSdeG José Ramón Gómez Besteiro nun recente acto do 1º de Maio. Foto GPPSdeG.

O Secretario Xeral do PSdeG na provincia, José Tomé Roca, non dubida en denunciar a recente revelación dos «chivatazos» xudiciais ao ex Ministro Cristóbal Montoro sobre os rexistros na Deputación e no Concello de Lugo como parte dunha trama de persecución xudicial impulsada polo Partido Popular. Tomé sostén que estes feitos, xunto coa orquestración de auto anónimos e a implicación dun xuíz sancionado con vínculos ao PP, evidencian un uso partidista da xustiza para eliminar adversarios políticos.
«Todo o que está vivindo Pedro Sánchez a nivel do Estado, levámolo sufrindo na provincia de Lugo e en Galicia dende hai moito tempo, con Feijóo», sinala Tomé, subliñando a estratexia do PP de «atacar ao rival político, no persoal, utilizando para elo mesmo a xustiza».
O líder socialista advirte das graves consecuencias desta trama: «un dano irreparable ás persoas que o sofren -como Besteiro e Orozco-, danos ás institucións e socavan a democracia». Pola cal, o PSdeG na provincia personarase na causa xudicial de Montoro para esclarecer todos os feitos e esixir todas as responsabilidades, incluíndo a Feijóo e Rajoy.
«Feitos coma estes non deberían ocorrer nun Estado democrático», reforza Tomé, chamando á rexeneración democrática impulsada polo Presidente Pedro Sánchez e o Secretario Xeral do PSdeG. “Os socialistas estamos plenamente comprometidos cunha política limpa, honesta e transparente, de acordo cunha democracia forte e avanzada, e seguiremos traballando e liderando a acción política, como fixemos sempre dende un partido con 145 anos de historia, para conseguir máis e mellores dereitos para todos e todas os cidadáns, e por máis e mellor democracia”, afirmou o Secretario Xeral do PSdeG-PSOE na provincia de Lugo.

POLÉMICA POLO TRASLADO DA SEDE DO CRAEGA
Por outra banda, José Tomé Roca, sinalou, en relación co traslado da sede do Craega e as críticas feitas polo voceiro do PP Antonio Ameijide que «imos a pedir ao portavoz do Grupo Popular que deixe de mentir, que deixe de manipular, que deixe de enganar en relación co CRAEGA porque os feitos danos a razón e desmenten totalmente, xa que o que andou contando por aí a bombo e prato sobre o traslado do CRAEGA de Monforte para Lugo, cando quen tiña iso pactado con servador era precisamente un Partido Popular e intentou mover outros consellos reguladores que tamén están ubicados en Monforte».•

Deixa unha resposta

Your email address will not be published.

Nova Anterior

Pantón celebrou ao grande a súa Mostra de Viños da Ribeira Sacra

Seguinte Nova

De Galicia ao Reino Unido co Esgrafiado Galego

Últimas noticias sobre POLÍTICA LOCAL

A %d blogueros les gusta esto: