Dende o Concello de Monforte, informan que debido ás obras para a nova Comisaría da Policía Nacional, as mesas electorais trasladaranse do antigo edificio de Sanidade-Drogodependencias ó Espazo Gastronómico e dos Mercados da Praza de Abastos. As mesas afectadas inclúen os distritos 1 e 2, onde se redistribuirán as letras A-Z, afectando ás rúas Cardenal, Hortas, Hermida Balado, Dr. Teixeiro, Roberto Baamonde, entre outras. Os cidadáns que votaban nestas mesas situadas no antigo Centro de Drogodependencias ubicado na rúa Otero Pedrayo e no antigo Centro de Hixiene e Sanidade, ubicado na Avda. de Galicia pasarán a facelo no Espazo Gastronómico e no Espazo dos Mercados da Praza de Abastos, na rúa Bailén, que será onde s trasladen estas 3 mesas.. O traslado busca asegurar a continuidade do proceso electoral mentres se realizan as obras na comisaría.•
