Ana Miranda, a voz galega en Europa

Foto: BNG

Nun acto celebrado con militantes e simpatizantes en Lugo, o BNG presentou o cartaz co que pedirá o voto nas eleccións europeas do 9 de xuño. A candidata Mar Pérez Fra afirmou que «nesta campaña faremos chegar a todas as galegas e galegos o traballo do BNG no Parlamento Europeo, a voz que defende os intereses da Galiza fronte ás políticas da Unión Europea». O evento contou coa participación do portavoz do BNG no Concello de Lugo, Rubén Arroxo.
Pérez Fra subliñou o compromiso do BNG para continuar traballando en prol dos problemas dos galegos en Europa. «Desde o BNG imos traballar para que os problemas das galegas e galegos sigan tendo voz en Europa», declarou. Ademais, engadiu que seguirán levando a Bruxelas as problemáticas dos sectores produtivos, concellos e loitas sociais de Galicia.
A candidata explicou a visión do BNG para Galiza e Europa: «Queremos unha Galiza viva, forte e con futuro nunha Europa diferente, dos pobos e das persoas, dos dereitos sociais e da xustiza, que aposte polo respecto e a paz nas relacións internacionais».
Pérez Fra animou ás militantes e simpatizantes a difundir a mensaxe do partido. «Só se o BNG está, as galegas e galegos contaremos con representación no Parlamento Europeo», afirmou, comprometéndose a percorrer os concellos de Lugo nos próximos días para dar a coñecer as propostas do BNG.•

Deixa unha resposta

Your email address will not be published.

Nova Anterior

Festa de fin de tempada para o CV Ribeira Sacra

Seguinte Nova

Nova sentenza favorable para o Concello de Monforte sobre a Zona C

Últimas noticias sobre POLÍTICA LOCAL

A %d blogueros les gusta esto: