Foto GPCQ.
O pasado sábado 8 de xuño pola noite, Quiroga celebrou por todo o alto a súa Gala do Deporte, un evento que non só puxo fin á tempada das Escolas Deportivas, senón que tamén recoñeceu o talento e os logros dos deportistas locais. O acto, presidido polo Concelleiro de Deportes, Antonio Marcos, foi unha mostra do orgullo quirogues polos seus moitos e destacados atletas.
Marcos destacou a importancia de facer accesible o deporte a todos os veciños e veciñas de Quiroga, subliñando que o apoio dos pais e o esforzo dos nenos fan posible levar o nome do concello máis alá das súas fronteiras. Unha gran foto de familia pechou a ceremonia, simbolizando a unidade e o éxito colectivo da tempada deportiva.
MEDALLAS E DIPLOMAS
Cada deportista das Escolas Deportivas foi galardoado cunha medalla e un diploma, recordando os logros acadados nas distintas disciplinas ao longo do ano. Non faltou o recoñecemento aos equipos e clubs que destacaron máis aló do ámbito escolar, nin tampouco a homenaxe merecida a dous íconos do Quiroga FC que decidiron retirarse: Choco e Polín.
O DEPORTE NON PARA NO VERÁN
A Gala rematou cunha cea no restaurante Chapakuña, marcando o final dunha etapa, pero non do deporte en Quiroga. As ligas e copas darán paso a novos torneos como os de fútbol sala e fútbol sala feminino, campus de fútbol e voleibol, así como a emocionante carreira nocturna que se aproxima.
O seguinte evento destacado foi a participación dos equipos das Escolas Deportivas de Quiroga nas finais provinciais de voleibol no pavillón municipal o domingo pola mañá. As quiroguesas brillaron, conseguindo o subcampionato nas categorías benxamín e alevín, xunto aos equipos Emeve de Lugo, Korbis, Ribeira Sacra e Colexio Novo de Monforte.•
Cargando ...
