O director xeral de Maiores e Atención Sociosanitaria, Antón Acevedo, visitou a pasada semana as obras da nova residencia de maiores en Pantón. Durante a visita, destacou a iniciativa dos concellos en crear recursos de atención próximos aos fogares das persoas maiores.
Acevedo subliñou o compromiso da Xunta, de destinar 18,5 millóns de euros de fondos europeos para fomentar a creación de centros residenciais e diúrnos de titularidade municipal. Este plan de investimento facilitará a creación de 650 novas prazas, mellorando así a calidade de vida dos maiores na comunidade.
As obras avanzan segundo o previsto, coa idea de incrementar a rede de atención sociosanitaria na provincia de Lugo.•
