Alta participación na X Edición do Concurso Semente Ribeira Sacra

Imaxe dos finalistas da pasada edición. Foto Arquivo.

O Concurso de Proxectos Empresariais Semente Ribeira Sacra pechou o seu prazo de inscrición o 31 de maio cunha participación de 85 ideas, a segunda cifra máis alta desde a súa creación en 2014. Este concurso busca fomentar proxectos innovadores que promovan o desenvolvemento do medio rural e potencien os recursos da Ribeira Sacra.
Nesta edición, 28 das propostas foron presentadas por persoas da propia Ribeira Sacra, mentres que o resto chegaron maioritariamente de diferentes puntos de Galicia. Tamén houbo participación de León, Sevilla, Madrid, Barcelona, Las Palmas e do norte de Portugal. Entre as temáticas das ideas destacaron o viño, o turismo, a agricultura e silvicultura, a cosmética, a cultura, a moda, a ecoloxía, a educación, as novas tecnoloxías, a promoción do emprego, os servizos, a vivenda, os roteiros, os deportes, a gastronomía e as aplicacións vinculadas coa saúde ou o medio rural.
O 22 de xullo daranse a coñecer as dez ideas seleccionadas polo xurado, xunto con tres reservas no caso de que algún finalista se retire antes do 31 de agosto. Os proxectos finais deberán ser presentados entre o 1 de agosto e o 30 de setembro de 2024, en formato PDF a través da intranet dos concursantes na web oficial do certame.
Os finalistas defenderán os seus proxectos o 26 de outubro no Parador de Turismo de Monforte. A cerimonia de entrega de premios terá lugar esa mesma noite durante a cea de clausura no Parador.•

Deixa unha resposta

Your email address will not be published.

Nova Anterior

Asoporcel renova os convenios coa Deputación de Lugo e a Xunta de Galicia

Seguinte Nova

Aberta a inscrición para a 24ª edición de Artelemos

Últimas noticias sobre EMPRENDEMENTO

A %d blogueros les gusta esto: