Impulso á conexión do sur da provincia de Lugo cun novo tramo da AG-22

O segundo e último tramo da nova autovía AG-22 entre A Pobra de San Xiao e Nadela, conta cunha inversión prevista de 35 millóns de euros

Acompañado pola Conselleira de Vivenda e Planificación de Infraestruturas, María Martínez Allegue, o presidente Alfonso Rueda visitou a zona dos 13,5 quilómetros que unirán Nadela e Sarria. Foto GPXG.

O presidente da Xunta, Alfonso Rueda, reafirmou a pasada semana «o compromiso do goberno galego coa vertebración da Galicia interior e a mellora das infraestruturas e da mobilidade na comunidade».
Este anuncio coincide co inicio do trámite de información pública e avaliación ambiental do segundo e último tramo da nova autovía AG-22 entre A Pobra de San Xiao e Nadela, cunha inversión prevista de 35 millóns de euros.
Rueda sinalou que se espera licitar as obras a finais de 2025 e adxudicalas para comezar os traballos en 2026.
Acompañado pola Conselleira de Vivenda e Planificación de Infraestruturas, María Martínez Allegue, o presidente visitou a zona dos 13,5 quilómetros que unirá Nadela e Sarria.
Destacou as vantaxes deste tramo, que permitirá desdoblar o corredor de alta velocidade, mellorando a conexión entre o sur da provincia de Lugo e a súa capital.
Este proxecto transformará a actual estrada en autovía, reducindo os tempos de viaxe e aumentando a seguridade nos adiantamentos grazas aos dous carrís en cada sentido. Calcúlase que preto de 100.000 usuarios se beneficiarán desta nova infraestrutura, que permitirá circular a 120 quilómetros por hora e mellorará o transporte de mercadorías. Ademais, os novos itinerarios entre Lugo, Ourense, Valdeorras e a Ribeira Sacra contribuirán a reducir os tempos de viaxe e facilitar a comunicación entre os Camiños de Santiago Francés, Primitivo e de Inverno.
Rueda subliñou o compromiso do seu goberno coas infraestruturas, prometendo estas melloras nos primeiros 100 días do seu mandato.
Tamén destacou que Galicia incrementou nun 70% a rede de vías de alta capacidade de titularidade autonómica nos últimos anos, con máis de 50 quilómetros libres de peaxe só na provincia de Lugo. Actualmente, máis do 80% da poboación galega atópase a menos de quince minutos dunha vía de altas prestacións.•

Deixa unha resposta

Your email address will not be published.

Nova Anterior

Monforte apoia a cultura local con 12.000 euros en subvencións

Seguinte Nova

A socialista Pilar García Porto pide «menos fotos e máis traballo» ao Presidente da Xunta

Últimas noticias sobre INFRAESTRUTURAS

A %d blogueros les gusta esto: