Monforte apoia a cultura local con 12.000 euros en subvencións

O Alcalde de Monforte, José Tomé Roca, anunciou que o Concello abre unha nova convocatoria de subvencións para asociacións culturais, lúdicas, recreativas e formativas sen ánimo de lucro.
A iniciativa, aprobada polo equipo de goberno o pasado 3 de xuño, destinará un total de 12.000 euros para apoiar actividades realizadas durante o 2024.
Estas subvencións, publicadas no Boletín Oficial da Provincia de Lugo o 8 de xuño, están dirixidas a entidades inscritas no Rexistro Municipal de Asociacións.
As asociacións interesadas poderán presentar as súas solicitudes ata o luns 1 de xullo. Unha vez concedidas, as entidades terán ata o 2 de decembro de 2024 para xustificar os gastos.
O importe máximo de cada subvención será de 1.000 euros, cubrindo ata o 70% do investimento subvencionable. O alcalde destacou a continuidade do apoio financeiro, manténdose a mesma contía que no ano 2023, para promover actividades culturais vitais para o desenvolvemento da cidade, como charlas, conferencias, publicacións, concertos e outros eventos.

REQUISITOS E FINALIDADE DAS AXUDAS
Para optar a estas subvencións, as asociacións deben:

  • Carecer de ánimo de lucro.
  • Estar inscritas no Rexistro Municipal de Asociacións.
  • Non ter débedas co Concello nin coa Facenda estatal ou autonómica, e estar ao corrente das obrigas coa Seguridade Social.
  • Ter xustificado debidamente subvencións anteriores.
    Quedan excluídas desta convocatoria as asociacións deportivas e entidades sociais, que teñen liñas de axuda específicas.
    As subvencións están destinadas a financiar programas, proxectos ou actividades culturais, excluíndo gastos de reforma de locais, vestiario, actividades con ánimo de lucro, festas patronais, comidas e eventos relixiosos.
    O alcalde subliñou que estas axudas son esenciais para apoiar iniciativas que dinamizan a vida cultural de Monforte de Lemos e complementan os programas dos servizos culturais municipais, especialmente nun momento onde o apoio á cultura é fundamental para a sociedade.•

Deixa unha resposta

Your email address will not be published.

Nova Anterior

10 millóns de euros para mellorar a eficiencia enerxética nas empresas turísticas

Seguinte Nova

Impulso á conexión do sur da provincia de Lugo cun novo tramo da AG-22

Últimas noticias sobre AXUDAS

A %d blogueros les gusta esto: