O BNG celebra histórico resultado nas eleccións: “Temos Escano Galego en Europa”

Ana Pontón e Ana Miranda destacan o respaldo dos galegos e galegas nas eleccións europeas. Foto GPBNG.

O Bloque Nacionalista Galego (BNG) celebrou o que considera unha xornada histórica nas eleccións europeas, alcanzando o obxectivo marcado de conseguir un escano galego no Parlamento Europeo. Así o afirmou a portavoz nacional do BNG, Ana Pontón, que valorou o apoio de case 180.000 galegos e galegas como fundamental para este logro. «Somos o BNG e temos un escano galego en Europa», proclamou a electa eurodeputada Ana Miranda, emocionada durante a súa comparecencia na Nave de Vidán.
Ana Pontón agradeceu o respaldo dos votantes, subliñando que este resultado confirma que o BNG está en ascenso constante en apoio social e electoral. «Somos un BNG á alza que non ten teito, imparable na defensa dos dereitos e liberdades do pobo galego», enfatizou a líder nacionalista. Pontón tamén destacou a campaña electoral desafiante, deseñada para ser bipartidista e centralista, pero que non impediu o crecemento do nacionalismo galego como forza política esencial.
Miranda, á súa vez, comprometeuse a representar con firmeza a voz galega en Europa, prometendo traballar pola xustiza social, a paz e os dereitos humanos. «Seremos a voz forte de Galiza e de todas as causas xustas da humanidade».•

Deixa unha resposta

Your email address will not be published.

Nova Anterior

Satisfacción dos socialistas lucenses

Seguinte Nova

Alfonso Rueda e Antonio Ameijide destacan o apoio en Galicia e Lugo e critican a xestión de PSOE e BNG

Últimas noticias sobre PORTADA

A %d blogueros les gusta esto: