O concello de Chantada programa actividades de verán

A Concellaría de Igualdade de Chantada aposta forte este verán cunha ampla programación de actividades destinadas a nenos e nenas de entre 4 e 12 anos.

DIVERXUÑO
Desde a última semana de xuño ata todo o mes de xullo, os máis pequenos poderán desfrutar tanto do Diverxuño como dos tradicionais Campamentos de Verán. Ademais, en agosto, os mozos de 9 a 17 anos terán a oportunidade de participar en talleres de competencias dixitais, unha proposta innovadora deste ano.
Do 24 ao 28 de xuño, o CEIP Xoán de Requeixo acollerá o Diverxuño, unha serie de obradoiros diarios que combinarán a diversión con aprendizaxes importantes sobre igualdade de xénero e outras temáticas. .
CAMPAMENTOS DE VERÁN
Os Campamentos de Verán de Chantada, unha proposta consolidada con máis de doce anos de historia, desenvolveranse en dúas quincenas: do 1 ao 15 de xullo e do 16 ao 31 de xullo, tamén no CEIP Xoán de Requeixo. Cada quincena espera acoller a uns 200 nenos e nenas, ofrecendo unha variedade de actividades lúdicas e educativas. As inscricións estarán abertas ata o 19 de xuño na recepción de Servizos Sociais do Edificio Multiusos.
Pamela Fernández, concelleira de Igualdade, destaca a importancia destas iniciativas para favorecer a conciliación familiar durante o verán: “Incorporamos o Diverxuño para ampliar a nosa oferta de lecer infantil, complementando os campamentos de verán cos que xa levamos máis dunha ducia de anos. Queremos axudar ás familias a conciliar e fomentar a corresponsabilidade durante as vacacións escolares”.

COMPETENCIAS DIXITAIS
Unha das grandes novidades este ano é a proposta de talleres de competencias dixitais para o mes de agosto, destinada a mozos e mozas de 9 a 17 anos. Esta iniciativa ten como finalidade dotar á mocidade de habilidades dixitais clave para o futuro.
O alcalde de Chantada, Manuel Lorenzo Varela, subliña o éxito e a constante evolución destas actividades: “Cada ano melloramos e ampliamos estas actividades que marcan o tempo de lecer dos nosos nenos e mozos durante o verán. Este ano, á oferta dos campamentos e o Diverxuño sumamos talleres de competencias dixitais para agosto”.
Varela anima á participación: “Todas as actividades son gratuítas, polo que invito a toda a mocidade a aproveitar estas oportunidades que non só facilitan a conciliación das familias.•