Xornada sobre lexislación e axudas ao sector turístico en Chantada

Intevención de Paloma Vázquez, Xefa da Área Provincial de Turismo de Lugo.
Foto Laura Iglesias.

O pasado 5 de xuño, Chantada acolleu unha xornada informativa centrada na lexislación e nas axudas para proxectos turísticos, organizada no marco do proxecto Comunidades de Emprego e Emprendemento Rural Sostible de Galicia, desenvolvido por Acción contra a Fame e cofinanciado polo Fondo Social Europeo Plus e a Fundación MAPFRE.

LEXISLACIÓN SOBRE ALOXAMENTO RURAL
A charla, impartida por Paloma Vázquez, Xefa da Área Provincial de Turismo de Lugo, abordou a lexislación vixente sobre aloxamento rural e as súas distintas tipoloxías, restauración e normativas asociadas, así como as subvencións e axudas dispoñibles a través da Xunta para o sector turístico. Ademais, Vázquez comentou a normativa pendente de aprobación sobre turismo deportivo e turismo activo, enmarcada dentro das actividades complementarias dun turismo de experiencia.

TURISMO RURAL
Tras a intervención de Vázquez, abriuse un debate no que se destacou a importancia dunha correcta clasificación do «turismo rural» para evitar confusións e garantir servizos adecuados aos visitantes. Tamén se subliñou a necesidade dunha lexislación sobre turismo activo que reflicta as realidades actuais do sector, proporcionando clareza normativa sobre as funcións e ámbitos de actuación destes profesionais.•

Deixa unha resposta

Your email address will not be published.

Nova Anterior

O Concello do Incio inaugura un miradoiro no embalse de Vilasouto

Seguinte Nova

Novo aparcadoiro para o Polígono do Reboredo

Últimas noticias sobre TURISMO

A %d blogueros les gusta esto: