Chantada presenta unha ampla programación cultural para o verán 2024

O Concello de Chantada anunciou unha programación cultural extensa e variada para este verán, baixo o lema Verán Cultural 2024. Durante os meses de xullo e agosto, os veciños e visitantes poderán desfrutar de máis de vinte propostas que inclúen espectáculos de maxia, cine, teatro, música, circo e actividades infantís. As Festas Patronais en honra á Virxe do Carme, do 22 ao 27 de agosto, serán o punto culminante desta programación.
A Praza do Cantón será o principal escenario destas actividades, que comezarán cada día ás 20:00h. A primeira cita será o 4 de xullo co espectáculo de marionetas “Chef e Chof”. Seguiralle o 9 de xullo o espectáculo de circo e música “Comediante”. O 11 de xullo, os asistentes poderán gozar da obra de teatro “Os marcos da vida”. A maxia estará presente o 13 de xullo co Mago Antón, que ofrecerá varias funcións, mentres que o 14 de xullo será a quenda da comedia con “Odaiko Familiar”. O 16 de xullo, o Mago Paco traerá o seu espectáculo de maxia infantil.
A programación de xullo continuará con “A utópica rodante” o día 18, seguido polo espectáculo de acrobacias “Harmonía no aire” o 20 de xullo. O 23 de xullo, os malabares serán os protagonistas con “Eu Clown”, e o 30 de xullo haberá unha proposta para o público infantil con “Ciencia Máxica”. Ademais, o 19 de xullo no Auditorio Municipal, terá lugar o concerto de “Iberia Marimba Ensemble”.
En agosto, a programación comezará o día 1 cun taller de xogos infantís na Piscina Municipal a partir das 18:00h. As actividades na Praza do Cantón comezarán o 3 de agosto co show infantil “Circo Mentura”. O 6 de agosto, os asistentes poderán desfrutar de “A maxia do verán”, e o 8 de agosto será o turno do teatro musical “Canta xoga”. Tamén na Praza do Cantón, pero a partir das 21:00h, terá lugar o evento “Noites á luz da lúa” coa Banda de Música de Chantada.
Do 12 ao 16 de agosto celebrarase a tradicional Semana de Cine, e do 19 ao 21 de agosto, a Semana de Teatro. Estas dúas propostas levan máis de 30 edicións e atraen cada ano a familias e grupos de amigos de todas as idades, que gozan de varios días de cultura ao aire libre, como antesala das Festas Patronais. Segundo o Concelleiro de Cultura, Manuel Diéguez, “estas semanas de cine e teatro están consolidadas na programación cultural de Chantada, e reúnen a moitos veciños e visitantes que veñen desfrutar da nosa oferta cultural”.•

Deixa unha resposta

Your email address will not be published.

Nova Anterior

O BNG esixe solucións á cobertura sanitaria de verán en Chantada

Seguinte Nova

A Deputación aproba unha declaración institucional polos dereitos LGTBIQA+

Últimas noticias sobre SOCIEDADE

A %d blogueros les gusta esto: