O Alcalde de Monforte, José Tomé Roca, informou que as brigadas municipais iniciaron este martes, 25 de xuño, os traballos de limpeza e acondicionamento da Lagoa do Parque dos Condes, contando co apoio da empresa Excavaciones y Transportes Ayán S.L. Esta é a décima limpeza anual que se realiza desde que Tomé chegou ao goberno en 2015, mantendo o compromiso de conservar esta zona céntrica e moi visitada da cidade.
O proceso de limpeza comeza co baleirado da auga mediante unha motobomba e continúa coa extracción do lodo acumulado no fondo da lagoa usando unha máquina paleadora. O custo da bomba é de 300 euros, mentres que os traballos da empresa contratada ascenden a aproximadamente 5.000 euros.
O Alcalde destacou a importancia da lagoa como un espazo emblemático para os monfortinos e visitantes, subliñando que o seu mantemento é esencial para ofrecer unha boa imaxe da cidade. Ademais, operarios municipais desbrozarán o entorno da lagoa para mellorar a súa aparencia.•
Cargando ...
