O Concello da Pobra do Brollón, comprometido co respecto polo medio ambiente e a mellora na xestión dos residuos domésticos, anuncia a reactivación do servizo de Punto Limpo Móbil a partir do 2 de xullo. Esta iniciativa busca facilitar á veciñanza a reciclaxe de diversos refugallos xerados nos fogares.
O Punto Limpo Móbil permitirá a recollida de residuos específicos como pilas, medicamentos e os seus envases, lámpadas e tubos fluorescentes, aerosois, aceite usado de cociña, envases baleiros de pinturas, tóners e cartuchos de impresoras. A primeira parada deste servizo será na parroquia de Parada dos Montes, onde estará dispoñible os días 2 e 3 de xullo. A partir de aí, continuará o seu percorrido por todas as parroquias do concello, seguindo unha ruta lóxica para garantir unha operatividade efectiva. O Punto Limpo Móbil situarase nos puntos previamente sinalizados e permanecerá durante dous días en cada parroquia.
As vindeiras paradas do mes de xullo serán as seguintes:
Parada dos Montes: 2-3 de xullo
Salcedo: 4-7 de xullo
Lamaigrexa: 8-9 de xullo
Castroncelos: 10-11 de xullo
Barxa de Lor: 12-14 de xullo
A Estación: 15-16 de xullo
O concello pide a colaboración da cidadanía para que faga un uso correcto do Punto Limpo Móbil e coide das súas instalacións.•
Cargando ...
