A XIV edición dos Xogos do Eixo Atlántico, celebrada en Vila Nova de Famalicão e Braga, concluíu o pasado venres 5 de xullo coa entrega de trofeos ás delegacións vencedoras. Nesta edición participaron 2.400 persoas de 27 delegacións, das cales 18 eran portuguesas e 9 galegas. Os mozos competiron en balonmano, fútbol 7, voleibol, baloncesto, natación e atletismo, incluíndo modalidades adaptadas. Entre as cidades participantes estaban Sarria e Monforte, que levaron a terras portuguesas a más de 120 deportistas de diferentes modalidades deportivas. O Alcalde de Monforte, José Tomé Roca, destacou a excelente actuación dos atletas monfortinos O rexedor salientou especialmente as dúas medallas acadadas polo atleta Ismael Rodríguez Nieves: unha de prata nos 1.000 metros en pista masculino e outra de bronce en atletismo en ruta masculino.
En canto ás clasificacións por disciplinas deportivas, a delegación de Monforte alcanzou o 5º posto en voleibol, o 12º en fútbol, o 15º en baloncesto feminino e o 17º en baloncesto masculino. O equipo monfortino estivo composto por 83 persoas, entre deportistas e adestradores, competindo en baloncesto, fútbol 7, voleibol, atletismo e natación, tanto en categorías femininas como masculinas.
Pola súa parte, os representantes de Sarria, tamén tiveron unha actuación destacada, conseguindo o terceiro posto en fútbol masculino cadete, logo de derrotar a Maia por 4-2. O Concello de Sarria, e o seu Alcalde Claudio Garrido tamén procederán a recibir oficialmente aos seus deportistas logo da súa exitosa participación. Como ben sinala Félix Seijas, concelleiro de deportes de Sarria, en valores e comportamento non lles gañou ninguén. •
Cargando ...
