O Alcalde de Monforte, José Tomé Roca, anunciou a licitación dun novo proxecto de mellora no Mercado Gandeiro, que se suma aos esforzos do goberno local para mellorar as infraestruturas urbanas e rurais. A Xunta de Goberno aprobou a tramitación deste proxecto o pasado luns 15 de xullo.
Segundo explicou o Alcalde, “esta é unha zona que é moi utilizada, especialmente os días de feira, polo que é necesario renovar o seu firme e pavimentar outras zonas que actualmente non o están, a fin de dar un mellor servizo ós usuarios e os veciños de Monforte”. A intervención abarcará unha superficie de 12.725 metros cadrados, cun investimento total de 177.787,13 €, ive engadido.
As melloras incluirán o fresado do firme actual, o levantado da calzada e a colocación de rigolas e canalizacións de pluviais. Tamén se pavimentarán as zonas que non o están e colocaranse bordos nos alcorques das árbores. As empresas interesadas teñen ata o 12 de agosto para presentar as súas ofertas.•
Cargando ...
