A entrega dos galardóns recoñece a excelencia vitivinícola de 24 adegas na Ribeira Sacra e afonda no compromiso co desenvolvemento do sector
O 19 de xullo, a Casa da Cultura de Monforte de Lemos converteuse na capital do mundo vitivinícola galego coa celebración da XXVIII Edición dos Premios Ribeira Sacra. Este evento, organizado polo Consello Regulador da Denominación de Orixe Ribeira Sacra en colaboración co Concello de Monforte, reuníu aos mellores produtores da zona para premiar a excelencia dos seus viños.
A cerimonia comezou cunha entrega de premios únicos, elaborados pola alfarería de Gundivós, e continuou cun cóctel que permitiu aos asistentes compartir e celebrar os logros desta edición. Os premios desta convocatoria estiveron divididos en tres categorías: tintos, blancos e outras añadas, recoñecendo a calidade excepcional dos viños da Ribeira Sacra.
Na categoría de tintos, o galardón de ouro foi para «Val da Lenda», de Victor Manuel Rodríguez López. A medalla de prata recaeu en «Campaza» de Casa Moreiras S.L., e o bronce foi para «Ciudaseis» de María Gloria Alvarín Losada. En blancas, «Sollio» de Juan Alberto Álvarez Rodríguez levou o ouro, «Don Bernardino» de Don Bernardino S.L. a prata, e «As Glorias» de Amedo S.L. o bronce. A categoría de outras añadas destacou pola súa diversidade, premiando con tres oros a «4ª Generación Mencia Barrica 2020» de Don Bernardino S.L., «Regina Dona Godello Barrica 2022» de Regina Viarum S.L., e «Prómine Singular Mencia 2022» de Bodegas Petrón S.L.
A conselleira do Medio Rural, María José Gómez, participou na entrega dos premios, destacando a importancia da DO Ribeira Sacra e o esforzo dos viticultores e adegueiros que coidan e preservan a calidade do sector. Gómez subliñou a Estratexia de dinamización económica e turística das comarcas vitivinícolas de Galicia, que conta cun orzamento superior a 10 millóns de euros para 2024. Esta iniciativa busca apoiar a reestruturación e reconversión de viñedos, así como a promoción e comercialización dos viños galegos.
A conselleira tamén resaltou o papel da paisaxe vitivinícola na candidatura da Ribeira Sacra a Patrimonio da Humanidade, evidenciando o compromiso co desenvolvemento sostible e a preservación dos valores culturais e naturais da rexión.
O acto contou tamén coa presenza de Gloria Prada, tenente de alcalde de Monforte, que entregou o premio na categoría de «Outras Añadas» á adega Don Bernardino. A súa intervención, en representación do alcalde José Tomé, ausente por compromisos na Deputación de Lugo, reafirmou o apoio institucional ao sector vitivinícola.
O evento, que comezou o 17 de xullo co precintado das mostras, continuou cunha precata o día 18 e rematou coas catas a cegas o 19. Un total de 24 adegas presentaron 67 mostras, divididas en tintos, blancos e outras añadas, foron avaliadas por un panel de expertos. Despois da entrega de premios, o Centro do Viño dfoi o escenario dun viño institucional e cóctel.•
Cargando ...
