O próximo venres 2 de agosto terá lugar a nova edición do evento Os Venres de Méndez-Rojo, organizados pola adega Vía Romana. Esta serie de encontros, que comezou a finais de maio, destaca por ofrecer unha experiencia única que combina viños de alta calidade, gastronomía local e música en directo nun entorno espectacular con vistas panorámicas ao valle do río Miño.
O acto contará coa actuación do grupo Manuel Manquiña e Los Fabulosos Weekend, un quinteto que interpretará unha variada selección de música en español, galego e inglés, acompañada de toques humorísticos a cargo do actor e humorista Manuel Manquiña. A batería estará a cargo de Jimmy Failde, músico chantadino. A oferta gastronómica será proporcionada polo restaurante local A Faragulla, que preparará pratos ideais para maridar cos viños blancos da bodega.
A novidade desta edición é a redución do prezo de entrada a 25€, que inclúe unha copa de benvida e transporte gratuíto en autobús desde Chantada e Monforte, con reserva previa. As entradas están dispoñibles na páxina web oficial: www.mendezrojo.com. Juan Luis Méndez-Rojo, xestor da bodega, destaca que “é unha maneira cautivadora de vivir Galicia” e invita a todos a gozar desta noite máxica na Ribeira Sacra.•
Cargando ...
