Os socialistas de Pantón valoran o investimento na mellora das estradas provinciais no municipio

A agrupación do PSdeG de Pantón valora positivamente a decisión da Deputación de licitar a mellora de dúas estradas provinciais no municipio, cun orzamento de preto de 177.300€. Destacan que a Deputación acordou a mellora da estrada LU-P-4107, que une Segade coa aldea de Marce, cun proxecto de 100.000 € que inclúe a reapertura de cunetas, a reparación de afundimentos e a repavimentación do firme.
Ademais, destinaranse case 78.000 euros para a LU-P-4106, desde o Carme ata Curro, para acondicionar máis de 6 quilómetros, actuacións son consideradas básicas para mellorar a infraestrutura viaria e garantir a seguridade e comodidade dos usuarios.•