Preto de 29.000 persoas participaron nas rutas fluviais da Ribeira Sacra en 2024

A Deputada de Réxime Interior, Promoción do Territorio e Turismo, Pilar García Porto, presentou un balance das rutas fluviais en catamarán pola Ribeira Sacra. Segundo García Porto, preto de 29.000 persoas xa disfrutaron destas viaxes, a pesar das adversas condicións meteorolóxicas de xullo. Para o que resta de ano, xa se teñen reservadas arredor de 14.000 prazas. Pilar García Porto destacou que “este servizo, que supón un gran revulsivo económico para a zona, forma parte da oferta de actividades que temos en marcha desde a Deputación e que concorda co modelo turístico polo que apostamos, turismo sostible, de calidade e experiencias”. As persoas interesadas poden reservar billetes na seguinte web nesta ligazón https://reservas.rutasembalses.es/?l=es .•