O intercambio xuvenil, organizado por Alberto Andrade e Alice Korsch, reúne a vinte participantes de España, Dinamarca, Georgia e Holanda
Alberto Andrade, galego, e Alice Korsch, holandesa, ambos residentes en Sober desde hai un ano, están a celebrar un intercambio xuvenil na súa granxa, Casa Belán, enfocado na sustentabilidade, o mundo rural e a agricultura ecolóxica. Este evento, que se leva a cabo do 10 ao 17 de setembro, conta con vinte mozos e mozas de entre 18 e 30 anos, procedentes de España, Dinamarca, Georgia e Holanda, ademais de catro líderes de grupo.
A iniciativa, en colaboración coa Asociación Sociocultural BreGal e financiada polo Programa Erasmus Plus da Unión Europea, busca formar un equipo de mozos comprometidos co desenvolvemento sostible, cuxas accións poidan ter un impacto positivo nas súas comunidades de orixe.
O Concello de Sober apoia esta proposta organizando unha excursión en catamarán pola Ribeira Sacra, cedendo material municipal e instalacións públicas para os talleres.
O venres 13, o evento culmina cunha ‘Noite Intercultural’ no Centro Sociocultural de Sober, onde os participantes presentarán traxes, comida e música típica dos seus países, nunha actividade aberta á toda a veciñanza.•
Cargando ...
