O BNG éstá a participar nas protestas convocadas polas familias dos colexios da Ribeira Sacra apoiando a esixencia de que se respecte o dereito a unha educación de calidade. O BNG denuncia que os recortes impostos pola Xunta levarán a unha diminución do profesorado, unha subida nas ratios de alumnos por aula e a falta de especialistas no equipo de orientación, afectando gravemente á atención á diversidade.
Na Pobra do Brollón, nun pleno extraordinario convocado polo ANPA do colexio, aprobouse por unanimidade unha moción que reclama a cobertura da cuarta praza de mestre. A presidenta da ANPA, Noelia Sánchez, fixo un chamamento público pola defensa dunha educación digna e pola igualdade de trato para o ensino rural.
Ao finalizar o pleno, unha multitudinaria manifestación percorreu as rúas de Pobra do Brollón, na que participaron representantes políticos, nenos, familias e veciñanza, para visibilizar a súa oposición aos recortes e defender o futuro do ensino no rural. O BNG reafirma a súa posición en contra destas medidas que, aseguran, dificultan a vida no rural e poñen en perigo o futuro das novas xeracións.•
