Wedway, operador ferroviario do grupo MSC, comeza a operar, xerando emprego para cinco operarios locais
A plataforma loxística ferroviaria do ADIF en Monforte de Lemos volve estar operativa logo do inicio das operacións do operador ferroviario Wedway, que está a poñer en circulación tres convois semanais de madeira con destino a Zaragoza. Este novo operativo supón a creación de cinco postos de traballo para operarios locais, o que marca un paso adiante na revitalización desta infraestrutura clave para a comarca.
Wedway, o maior operador privado de transporte de mercadorías por ferrocarril na península ibérica e pertencente ao grupo MSC con sede en Lisboa.
A terminal ferroviaria de Monforte, que actualmente se utilizaba para almacenar material destinado ás obras de renovación de vía e electrificación entre Monforte e Ourense, e Monforte e Lugo, foi liberada parcialmente polo ADIF, que despexou unha das súas vías de case 700 metros para permitir a carga de 17 vagóns con madeira procedente da provincia da Coruña, que serán transportados ata a papelera Lecta Torras Papel en Zaragoza. Esta empresa leva máis de 15 días acumulando madeira procedente de Galicia.
O primeiro convoi de Medway, con 900 toneladas de madeira, partiu da terminal monfortina o pasado 30 de agosto, marcando o regreso das operacións comerciais á plataforma loxística despois de anos de inactividade. Medway convértese así no segundo operador, tras Transfesa, en utilizar a plataforma loxística de Monforte, poñendo en valor esta infraestrutura estratéxica que durante anos loitou por recuperar a súa actividade e servir de motor económico para a comarca. Esta reactivación pode supoñer un impulso significativo para o porto seco de Monforte, que durante a última década viuse afectado pola falta de operatividade e pola necesidade de investimentos que permitisen o seu desenvolvemento pleno.
Wedway prevé manter e, se o mercado o permite, aumentar a frecuencia destes servizos, consolidando a plataforma monfortina como un nodo loxístico clave para o transporte de mercadorías por ferrocarril na en Galicia.•
