O Concello de Monforte, informou da adxudicación da obra de construción do novo aparcadoiro no Polígono do Reboredo, cun investimento de 292.430,04 euros, que será executado pola empresa Hordescon SL.
O proxecto do novo aparcadoiro do Polígono do Reboredo, anunciado en xuño polo alcalde José Tomé Roca, contará cunha superficie de 6.400 m², albergando 17 prazas para camións e 64 para turismos, incluíndo prazas adaptadas e con cargadores eléctricos. A actuación, que se desenvolverá fronte ás empresas Oviganic e Gallaecia Delicatessen, ten como obxectivo paliar o déficit de estacionamento existente na zona. Para esta obra, o Concello de Monforte destinou un orzamento total de 305.250,57 euros, ive engadido.
A Xunta de Galicia, a través da Consellería de Economía e Industria, cofinanciará esta actuación cunha achega de 120.000 euros, no marco das axudas para a mellora de infraestruturas nos parques empresariais galegos. O delegado territorial da Xunta en Lugo, Javier Arias, destacou durante a súa visita visitou o espazo onde se realizará a actuación, que esta axuda forma parte dun programa máis amplo que busca potenciar os polígonos e fomentar a creación de emprego a través do asentamento de novas empresas que creen emprego.•
Cargando ...
