No impoñente Mosteiro de Santa María de Montederramo, celebrouse o acto institucional en conmemoración do 900 aniversario de Rovoyra Sacrata. O evento reuniu a destacadas personalidades do ámbito político, cultural e turístico, incluíndo ao Presidente da Deputación Provincial de Ourense, Luis Menor Pérez; á Directora Xeral de Patrimonio Cultural, Mª del Carmen Martínez Insua; e ao Alcalde de Montederramo, Óscar Diéguez González, entre outros.
A xornada comezou cunha visita ao recinto do mosteiro antes das intervencións. O alcalde Diéguez González destacou a importancia de seguir investindo no mantemento do patrimonio rural, a pesar dos avances realizados. Pola súa banda, Luis Fernández Guitián, Presidente do Consorcio de Turismo Ribeira Sacra, ofrecéu un repaso histórico á evolución da marca «Ribeira Sacra», desde as primeiras referencias en 1914 ata a actual candidatura a Patrimonio Mundial.
A lectura do escrito «Montederramo, 900 agostos despois» de José Miguel Andrade Cernadas, contextualizou o nome “Rovoyra Sacrata” mencionado por primeira vez en 1124. Carlos López López, Deputado da Área de Medio Ambiente da Deputación Provincial de Lugo, eloxiou os valores da Ribeira Sacra e comprometeu o apoio provincial ao territorio. Mª del Carmen Martínez Insua agradeceu a implicación dos concellos na candidatura e fixo un balance do estado do proceso para a declaración como Patrimonio Mundial.
O evento concluíu no claustro do mosteiro cun brindis co Viño da D.O. Ribeira Sacra, celebrando así o noveno centenario de Rovoyra Sacrata.•
Cargando ...
