O pasado venres, 6 de setembro, inaugurouse na Casa da Cultura de Chantada unha nova exposición da artista Walfraga (Walderine Silva), que estará aberta ao público ata o 30 de setembro. Nacida en Minas Gerais, Brasil, en 1968, Walfraga iniciou a súa carreira na pintura en 1990 e dende entón ten realizado exposicións tanto no Brasil como en España, en espazos como o Centro Cultural Puerta de Toledo, o Centro Cultural do Concello de San Martín de la Vega, e a Galería de Arte Arquestion de Ourense, entre outros.
Nesta ocasión, Walfraga achega unha colección que nos convida a explorar a riqueza das tradicións galegas a través do seu estilo académico-figurativo, con obras que retratan a Rapa das Bestas, os entroidos de Ourense, e outras escenas do folclore e a música galega, utilizando a técnica de óleo sobre lenzo. A exposición é unha viaxe visual que conecta as raíces culturais galegas coa mirada da autora.•
Cargando ...
