Finalizado o mes de setembro, as rutas fluviais da Deputación sumaron un total de 54.380 visitantes. A deputada de Réxime Interior, Promoción do Territorio e Turismo, Pilar García Porto, destacou que as cifras son motivo de satisfacción, subliñando o impacto positivo deste servizo público na economía local e no fomento do turismo sostible na Ribeira Sacra.
Con preto de 4.000 reservas realizadas ata finais de ano, a tempada pechará na ponte de decembro, previndo que se superen os 60.000 viaxeiros. Comparando co ano pasado, este verán experimentou un incremento do 5% no número de turistas.
Entre os visitantes, o 78% eran novos na Ribeira Sacra, destacando un aumento no número de turistas europeos, que representan xa o 20%. A duración media das estancias é de dous a tres días, e Monforte é o destino máis elixido para o aloxamento.•
Cargando ...
