O Partido Socialista da provincia de Lugo celebra a constitución da nova Agrupación Socialista da Pobra do Brollón, un paso significativo que reafirma o seu compromiso co municipio. Ao acto asistiron a secretaria de organización na provincia, Pilar García Porto, e o voceiro da Agrupación, Adolfo Rubio, quen subliñaron a importancia desta nova etapa para o socialismo na comarca.
A nova executiva está formada por: Adolfo Rubio Pascual como secretario xeral, Javier Quiroga Castro como secretario de organización e Tamara Rodríguez Pérez como secretaria de política municipal. Rubio Pascual, recentemente elixido, expresou a súa ilusión por liderar un proxecto que busca acadar a alcaldía nas próximas eleccións. «Queremos traballar man a man coa veciñanza da Pobra do Brollón para mellorar os servizos e a calidade de vida», afirmou.
A Agrupación Socialista arranca con forza e un obxectivo claro de conquistar a alcaldía, considerándoa beneficiosa para a veciñanza grazas á boa sintonía co Goberno de Pedro Sánchez e a Deputación de Lugo. Rubio destacou que esta colaboración pode traducirse en proxectos concretos, como a construcción dun novo Centro de Atención a Maiores na Pobra do Brollón, fundamental para garantir o benestar dos maiores.
Dende o PSdeG, confían en que o traballo conxunto e o diálogo coa veciñanza serán claves para lograr os obxectivos, e que a nova Agrupación sexa un axente activo de cambio positivo, en sintonía coas políticas progresistas.•
Cargando ...
