Dende o pasado 28 de setembro está aberto o prazo para que o alumnado de Monforte de Lemos solicite as axudas ao transporte convocadas polo Concello. Estas subvencións están dirixidas a estudantes universitarios, así como a estudantes de ciclos de Formación Profesional e Bacharelato que teñan que desprazarse fóra do municipio para cursar os seus estudos. O prazo de presentación das solicitudes remata o 25 de outubro.
O alcalde de Monforte, José Tomé Roca, destacou que estas axudas teñen como obxectivo «facilitar os desprazamentos aos estudantes que cursan fóra da localidade», incrementando a partida ata os 25.000 euros para o curso 2024/2025, o que representa un aumento de 5.000 euros respecto a 2021 e de 11.000 euros en comparación con 2020.
Poderán beneficiarse desta liña de axudas o alumnado empadroado en Monforte que estea matriculado en universidades ou ciclos formativos fóra do termo municipal, sempre que non haxa oferta dispoñible no municipio ou non se obtivese praza localmente.•
Cargando ...
