A Deputación de Lugo deu comezo aos traballos de rehabilitación do firme na estrada LU-P-5810, que conecta a LU-P-5808 Eirexafeita por Cazón, no concello do Saviñao. A institución provincial destina preto de 80.000€ a esta actuación, que se estende por un tramo de aproximadamente 7 quilómetros desde o inicio da vía.
As obras que se están a facer consisten na reapertura de cunetas, reparación de puntos deteriorados e repavimentación. A empresa Fevisa Vías y Obras SL é a responsable dos traballos, que terán un prazo de execución dun mes.
Adicionalmente, a Deputación está a realizar outras importantes actuacións no Saviñao, como as obras de mellora na LU-P-4202, que conecta Pacios e Currelos por Aldosende, e na LU-P-5806, que une a parroquia de Freán coa LU-617. Estas iniciativas buscan garantir a circulación en condicións de seguridade e comodidade para os usuarios.• (Foto Fevisa)
Cargando ...
