A Asociación Amigos de Manuel Jorge asinou o pasado 23 de setembro o contrato para reformar o edificio do Cantón de Chantada, que se converterá no Museo Manuel Jorge, Centro de Cultura Contemporánea da Ribeira Sacra. A empresa encargada da execución, Inside, colaborará co Estudio X+P de Chantada, responsable do proxecto xunto cos arquitectos Marta Marcos e Baltasar Otero.
Á sinatura asistiron Mercedes Vázquez, presidenta da Asociación, Plácido Moure, secretario, e Yoyes Jorge, tesoureira. Representando a Inside, estiveron o director xeral Francisco Sánchez e o director de construción, Gonzalo Aldrey. Inside foi escollida entre catro propostas, destacando pola súa experiencia en restauración e obra civil para uso público, así como polo compromiso de empregar provedores locais.
As obras comezarán a principios de novembro e prolongaranse ata comezos de 2026.•
Cargando ...
